الفرهوض: وهو الشخص اللي بيروح كل يوم تلات ساعات على الأقل..في أغلب الوقت بيكون رفيع جداً ومش باين عليه انه بيتمرن أصلاً
كابتن مصر: هو الشخص اللي بيدقق جداً في تفاصيل كل تمرينه..وأيه يتلعب قبل ايه..وكوعك يكون بزاويه كام..وتريح كام ثانيه..في الغالب بيلبس لبس رياضي حتى لو خارج عادي
BBM: هو شخص تقريباً معندوش مساحه في بيتهم، وبيروح الجيم عشان يلعب في الموبايل
القرطاس: بيكون شخص منفوخ جداً من فوق و معصعص من تحت
السرنجه: هو الشخص اللي بيحقن كل عضله هرمونات قبل ما يتمرنها
فأر التجارب: هو الشخص اللي بيجرب كل ما هو جديد في سوق المكملات الغذائيه..حتى لو بيتباع في كيسه سمره
كايداهم: بيكون شخص بيلعب رياضات تانيه و مظبط و صحي من غير حاجه، وبيروح الجيم بس تحصيل حاصل و عشان يفرس الشخصين اللي فوق
جدي الحنين: شخص قرر ان لسه في العُمر بقيه و بيروح يتدنجل ويقضي وقت لطيف
المحارب: هو شخص مابيتمرنش غير التمارين الخطر بس..في الغالب بيكون أسمر وبنظاره
عاشق الذات: هو شخص حدأقنعه انه كل ما يبص أكتر في المرايه، هتتطلعله عضلات اكتر
الإنهزاميين: هم شله من الأصدقاء بيقرروا يروحو الجيم..ويشتركوا أربع شهور..مايروحوش منهم غير اسبوعين
حبيب الكُل: ده شخص بيروح كل يوم عشان يتكلم مع الناس بس
الكلبوظ: هو الشخص اللي بيكافح و بيلبس كيس تحت الهدوم و بيتعب أكتر من أي حد عشان يخس شويه
سويدي مان: هو الشخص اللي بيروح الجيم عشان يعمل التمارين اللي بتتعمل في البيت
البرميل: بيكون شخص ضخم الجثه..بيشيل كل الحديد اللي في الجيم وهو بيتمرن..في الغالب بيكون متدين وبدقن وبكرش عملاق وبيدخل التيشرت جوه البنطالون القصير..وبيكون لابس شراب طويل
مستر كاراتيه: هو الشخص كثير الصياح كثير الحزق ومبالغ فيه
0 comments:
Post a Comment